ابو سلام البصري // هدوة ليل ومناغه عشك
هدوة ليل ومناغه عشك
والناس كلهه مسيسه بهور الغفو
والكمر شايل غيوم الصيف
رايح للشته
والنجوم محزمه تطبخ فرح
والسواجي مهوده
والعكارك نايمه ابرد الصبح
ماكوا هوسه ولاكو حس ينسمع
بس انه وانت وليل العشك
شو تدنه عليه
شو فك زيجك خليني ارضع شوك
خليني وي نهدك طفل مفطوم ما شارب عطش
ولك تدنه علي
عطني خدك خل اشمه
خلي حلكي على حلك
هدني على شعرك
خليني العب بالكصايب ....دي ولك دي
خلني خلني وهدني هدني
ما شايف مثل بطنك بطن
ولا زندك زند
خليني اكظي الليل بحضينك اون
واذا طك الفجر
كلي روح
اخافن لا تاخذك مني الشمس
تعليقات