ابو محمد الجابري - ريتج انتي العبق
ريتج انتي العبق
_______________
ريتج انتي العبق , ليداعـــــــب الروح
وريت روحج غيم يمطر
عالربــــوع
وريتج الوردات لتعيش ابنــــــــــــداي
ولو نضبتي اسكيج من
فيض الدموع
وريت كل ميسم يسـولف وي ضواي
نكتفي ابنورج ويبدينه
الشروع
هذا جبدي البيه بـس احرور كيـــض
وبالدواخل بيه الف اخ
التلوع
ايريد يطفر من مجانه لصوب مـــــوح
حتى ما نسمع ونينه وما
يلوع
ريت يفلانه تقيــمين المـــــــــــــرام
ويبقى كل فرقد يضوي وبيه
سطوع
ما نريد الدنيه ظلمه وبيــــها غيــــم
ولانريد الحلم يركع
للخنوع
اتباري وي الشمس مرفوض الظلام
بعد ما نقبل لهندسنه
رجوع
وظلج المطرود لبسيـــه اعتــــــــداد
حتى يحظى باليطلبه من
الجموع
وصوتج لرادو يســــكتونه يفيـــــــض
بلحن ما مسموع بابعاده
خشوع
انتي يا كل الشــــــذى بدنيا الخيال
لطيبج الافاق تركع
للركوع
ـــــــــــــــــــــــــــــــــــــــــــــــ
الشاعر / ابو محمد الجابري
ـــــــــــــــــــــــــــــــــــــــــــــــــــــــــــــــ
ريتج انتي العبق
ــــــــــــــــــــــــــ
أعجبني
تعليقات