الشاعر محمد البلاط - مصر - كان كلام اللى ما بينا كان كلام
كان كلام - ( غنائى )
كان كلام اللى ما بينا
كان كلام
تفرش الارض بحنه
وتعمل الدنيا دى جنه
و تشغل البال بخيال
ليه حكيتلى اشتياقك
وانه قتلك الهيام
بدمع عينك ليه بكيت
وقولت ما بعرفش انام
كنت بتسهر ليالى
وقلبى مرتاح من الغرام
كنت من دونك خالى
ولا جاش عشق فى بالى
وكنت بعتبره حرام
فين هوانا و الامانى
فين كلامك وكلامى
بعد ما عشمت قلبى
وشبكته وهو خالى
كان كلام اللى ما بينا
كان كلام
ليه فرشت الارض حنه
ليه عملت الدنيا جنه
ليه شغلت بوهم بالنا
وروحت ما قولت السلام
النهرده انت نمت
وانا ما بقدر انام
طاويه جرحى بين ضلوعى
وانزف الااااااااااه بدموعى
و انطفت بايديك شموعى
سهرانه الليل ما بنام
ندمانه على حلم فاضى
وقلب راضى منى ضاع
واللى هاقدر انى اقوله
كلمه واحده
الوداع
الوداع يا عشق وهم
ابتليت بيه وضاع
الوداع يا سراب جنه
امتلاء بيه السماع
الوداع يا ارض حنه
اتفرش يقصد خداع
واحنا هنجدد امالنا
واللى ضاع خلاص ضاع
واللى يفكر يجيلنا
يجيبلنا قلب وفاضى
واللى بيه يوم حلمنا
يمسحه وانا قلبى راضى
وانسى كل ذكرياتى
اعنبرها رحله فاتت
وكان اخرها الوداع
واعتبر الكلمه ماتت
واللى سامعته خداع
كان كلام اللى مابينا
كان كلام
بقلم محمد البلاط
تعليقات